Problemet me rinovimin e Paulo Dybalas sigurisht ia kanë shtuar vigjilencën drejtuesve të Juventusit të cilët po tentojnë të mos dalin të humbur në merkaton e verës .
Mesfushori Nicolo Zaniolo prej kohësh është përfshirë në planet e Massimiliano Allegrit i cili ndihet në njëfarë mënyre i detyruar për të transferuar elementë që do të mund ta bëjnë ‘’ Zonjën e Vjetër ‘’ më kompetitive në sezonin vijues.
22 vjeçari konsiderohet një idhull tek Roma dhe torinezët duan të përforcojnë ofensivën me ishi-n e Interit me fokusin gjithmonë tek titujt , në veçanti atë të Champions Leagues.
Megjithatë ‘’ Verdhekuqtë ‘’ menjëherë kanë reaguar duke vënë barrierat sepse Nicolo Zaniolo është shumë i rëndësishëm për Jose Mourinhon dhe ka rezultuar kyç në avancimin e kryeqytetasve në Conference League, të cilët do të përballen në gjysëmfinale Leicesterin .
Pikërisht ky moment është tejet përcaktues për '' Ujqërit " dhe vendimi i marrë nga drejtuesit konsiderohet mëse i drejtë sepse ka kontribuar për avancimin e italianëve të cilët mund të arrijnë një sukses të ëndërruar prej vitesh me ‘’ The Special One ‘’ në stol , trainer i cili ku ka vënë këmbën ka treguar se mbetet një ndër më mirët e globit përveç eksperiencës tek Tottenham Hotspuri duke i detyruar drejtuesit e ‘’ Gjelave të Londrës “ ta pushojnë nga puna për arsye të rezultateve negative .
7 gola dhe 8 asiste në 36 sfida përmbledhin një sezon që ndoshta do të kurorëzohet me trofe dhe me shumë gjasa rekordmenët e Scudettos do të mbesin me duar bosh edhe në këtë merkato verore duke marrë parasysh këtu suksesin e Romës .
Në rastin e triumfit , sigurisht shumë gjëra do të ndryshonin tek skuadra e ishi-t të Portos sepse prioritetet do të fitonin terren dhe duke njohur kokëfortësinë e tij , gjithçka do të vështirësohej për yjet e Romës në lidhje me largimin nga ‘’ Olimpico ‘’.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
