Barazimi në Kukës, Abilaliaj: I kënaqur me pjesën e parë, nuk kam parë që loja të mbyllet kështu

Trajneri i Partizanit, Arbër Abilaliaj, foli për MCN TV, pas ndeshjes, ku skuadra e tij barazoi 1-1 ndaj Kukësit.

Abilaliaj deklaroi se është i kënaqur me atë që ekipi tregoi në pjesën e parë, ndërsa deklaroi se nuk kishte parë ndonjëherë që ndeshja të mbyllej ashtu si në Kukës.

Nuk i konkretizuam rastet për të marrë tre pikëshin. Kjo gjë na dëmton. Penalltia në fund. Bie shtyllë, por nuk kisha parë që të mbyllej loja në këtë farë mënyre.

Zakonisht ne i paracaktomë tre goditës, por nuk mund të goditësh penalltinë në kushte të tilla. Ajo ndikoj te gjendja psikologjike e Muratajt. Njerëzit janë të zgjedhur, por i vetmi që ishte gati për të goditur ishte Murataj.

Forcuam akoma më shumë mesfushën me forcën dinamike. Pjesën e parë isha shumë i kënaqur. Sa u ambientuam me kushtet e lojës, në momentin tjetër na dhanë shumë frymëmarrje me Mensah me Taipin.