Memushi: Jemi të mërzitur për barazimin, skuadra luajti shumë mirë

Trajneri i Flamurtarit, Eqerem Memushi, foli për MCN TV, pas barazimit pa gola ndaj Apolonisë.

Tekniku i vlonjatëve u shfaq i mërzitur, ndërsa deklaroi se skuadra për pjesën më të madhe të lojës, luajti shumë mirë.

Flamurtari e ka detyre shtëpie fitoren në fushën e tij, jemi të mërzitur, totalisht të mërzitur. Megjithatë, dua të falënderoj skuadrën për shpirtin. I kërkuam skuadrës para këtij takimi që të nxjerrë gjendjen e saj më të mirë se kemi konkurrent direkt që mund të përplasemi në “play off”.

Mendoj se skuadra në pjesën e madhe ka luajtur shumë mirë, kemi krijuar raste të pastra në pjesën e parë që mund të shihnim takim tjetër. Pa hequr meritën e kundërshtarit, në futboll është ligji i pashkruar që po nuk shënove do pësosh dhe ne jemi rrezikuar seriozisht në dy episode.