Barcelona në këto kohë po mundohet medoeomos që të arrijë me shpejtësi akordet për ti hapur rrugën një sezoni me objektivin e ripozicionimit si një ekip i suksesshëm.
Robert Lewandowski është shëndërrruar në kryefjalën e përditshmërisë në lidhje me sulmin dhe drejtuesit duan ti shkojnë kësaj historie deri në fund.
Sipas zërave të fundit , të raportuara nga e përditshmja ‘ Sport ‘ , bavarezët kanë përcaktuar 40 milionë euro për largimin e polakut nga ‘’ Allianz Arena ‘’ , shifër që mund të përballohet nga xhepat e Joan Laportas , interes të cilit i bashkohet dëshira e golashënuesit për tu transferuar në ‘’ Camp Nou ‘’.
Ecuria e gjermanëve ka vënë në dyshim qëndrimin e disa komponentëve të rëndësishëm , ndër të cilët përfshihet traineri Julian Nagelsmann i cili gaboi në ndeshjen kundër Villarealit duke rikthyer Bayernin në shtëpi kundër çdo parashikimi dhe drejtuesit kanë reaguar menjëherë duke i treguar daljen ishi-t të Leipzigut.
Prioriteti i Barcelonës para disa kohësh ishte Erling Haaland , por peticioni i Borussia Dortmundit ka shkaktuar tërheqjen e ‘’ Los Cules ‘’ dhe për norvegjezin po duelojnë fort Real Madridi dhe Manchester City .
Ishi i ‘’ Verdhezinjve ‘’ mbetet një opsion shumë favorizues duke marrë në konsideratë arritjet me gjigandët e Bundesligës dhe në Katalunjë besohet fuqishëm se në fund do të predominojë lumturia.
Barcelona ka formuar një ekip shumë simpatik , me një trainer me një eksperiencë të konsiderueshme si Xavi Hernandez por gjithsesi duhet kohë për tu afruar me sukseset dhe ky sezon i ka shërbyer për të reflektuar dhe kuptuar se duhet të jesh i durueshëm dhe të ulësh kokën për të punuar më fort në vazhdimësi pavarësisht se për ‘’ Blaugranët ‘’ suksesi është i domosdoshëm në çdo sezon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
