Mesfushori i Real Madridit dhe Gjermanisë, Toni Kroos, ka njoftuar se do të tërhiqet nga futbolli pas Kampionatit Evropian të kësaj vere.
34-vjeçari do të varë këpucët e tij pas një dekade të mbushur me trofe në Bernabeu.
Ai shkroi në Instagram:
17 korrik 2014 dita e prezantimit tim në Real Madrid, dita që ndryshoi jetën time.
Jeta ime si futbollist por veçanërisht si person, ishte fillimi i një kapitulli të ri në klubin më të madh në botë.
Pas 10 vitesh, në fund të sezonit ky kapitull merr fund. Njëkohësisht, ky vendim do të thotë se karriera ime si futbollist aktiv do të përfundojë këtë verë pas kampionatit evropian.
Siç e kam thënë gjithmonë: Real Madridi është dhe do të jetë klubi im i fundit.
Jam i lumtur dhe krenar, që në mendjen time gjeta kohën e duhur për vendimin tim dhe që mund ta zgjidhja vetë.
Ambicia ime ishte gjithmonë të përfundoja karrierën time në kulmin e nivelit tim të performancës.
Kroos bëri 463 paraqitje për Madridin dhe fitoi 22 trofe duke përfshirë katër Liga të Kampionëve, pesë Kupa të Botës për Klube dhe katër tituj të La Ligës.
Presidenti i Madridit, Florentino Perez, tha në një deklaratë të klubit:
Toni Kroos është një nga lojtarët më të mëdhenj në historinë e Real Madridit dhe ky klub është dhe do të jetë gjithmonë shtëpia e tij.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
