Pavarësisht ofertës së bujshme nga Al -Hilal , Jose Mourinho do të qëndrojë tek Roma , të paktën edhe për sezonin vijues. 30 milionë eurot në sezon të ofruara nga arabët janë refuzuar nga portugezi, i cili mendon se ‘’ Verdhekuqtë ‘’ e kanë potencialin për të fituar përsëri trofe të rëndësishëm në të ardhmen . Pas fitimit të Conference Leagues në 2022-shin dhe finales së humbur kundër Sevillas në Europa League, ‘’ The Special One ‘’ ka vendosur ti qëndrojë besnik kryeqytetasve, të cilët do të përfaqësohen në kompeticionin e dytë europian për nga rëndësia në sezonin vijues. Sipas Fabrizio Romanos , pritet që 60 vjeçari të negociojë zgjatjen e kontratës , e cila përfundon në 2024-tën, hap që do të varet nga performanca e nxënësve të tij në vijimësi. Deri më tani , Roma ka transferuar Houssem Aouar dhe Evan N’Dicka me parametër zero por gjatë merkatos së verës priten të tjerë transferime në të famshmin ‘’ Olimpico ‘’. Falë ishi-t të Portos , Chelseat , Interit , Real Madridit dhe Manchester United, Roma arriti për të parën herë në historinë e saj fitimin e një kompeticioni europian, skuadër e cila do të tentojë të pasurojë vitrinën në vijimësi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
