Vincent Aboubakar, është i sakrifikuari te Al Nassr, për t’i bërë vend Ronaldos, i cili u transferua pak ditë më parë me bujë.
Klubi nga Arabia Saudite, duhej të largonte një nga lojtarët e huaj, për të regjistruar Ronaldon dhe i sakrifikuari është Aboubakar.
Kamerunasit i është ndërprerë kontrata dhe është lojtar i lirë. Pas kësaj, Aboubakar, nuk i ka kursyer thumbimet për portugezin, duke thënë se Messi është më i mirë dhe për këtë u bind pas stërvitjes.
“Gjithmonë kam menduar se Messi është më i mirë se Cristiano Ronaldo. Pas stërvitjes me portugezin, mund të them se kam të drejtë për këtë.”, tha sulmuesi.
30-vjeçari mund të vazhdojë karrierën në Turqi, pasi Fenerbahçe ka shfaqur interes serioz për të.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
