Franck Ribery, në një intervistë për “Tuttosport”, ka zbuluar se në të kaluarën e kanë kërkuar Barcelona, Real Madrid dhe Juventus.
Madje ai ka treguar se te Reali e kërkoi Mourinho, por ishte Bayern Munich që e ndaloi. Në fjalët e tij, sulmuesi francez u shpreh se ndihet krenar që luajti për 12 vite me Bayern Munich.
Futbolli është jeta ime dhe ende sot jam i lumtur në fushë. Ndihem mirë dhe mund t’ua përcjell përvojën time lojtarëve më të rinj.
Kam bërë shumë sakrifica gjatë karrierës sime. Pavarësisht nëse objektivi është mbijetesa në Ligën e Kampionëve apo Serie A, ju duhet të jeni të uritur për të fituar dhe të keni pasion.
Do të jetë mirë të takoj Mourinhon. Ai kurrë nuk ka qenë trajneri im, por ne kemi qenë gjithmonë në marrëdhënie të mira. Jemi takuar shumë herë në Ligën e Kampionëve dhe kemi folur gjithmonë pas ndeshjeve. Ai më donte në Real Madrid në të kaluarën, por Bayerni nuk më la të shkoja.
Barcelona dhe Juventusi gjithashtu më thirrën, por nuk jam penduar, jam krenar që kam kaluar 12 vjet në një klub gjigant si Bayern Munich, ku fitova gjithçka dhe shkrova faqe të rëndësishme në historinë e klubit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
