Ish-lojtari i Laçit dhe Burrelit në Shqipëri, Alban Rexhepi, ka pësuar një atak kardiak në fushën e lojës.
Sulmuesi i cili aktivizohet me Vllazninë e Pozheranit, ngjalli panik tek të gjithë ditën e djeshme në sfidën ndaj Flamurtarit në Ligën e Parë në Kosovë.
Gjatë ndeshjes në pjesën e dytë, Rexhepi pësoi një atak kardiak. Ndërhyrja e stafit mjekësor të ekipit ishte e menjëhershme dhe ia dolën ta mbajnë në jetë, për ta transportuar më pas në spital.
Pas ekzaminimeve mjekësore, u zbulua, se lojtari duhet t’i vendoset një stendë në zemër. Momentalisht gjendja shëndetësore e 26-vjeçarit është e qëndrueshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
