Trajneri i Erzenit, Alfred Deliallisi, foli për MCN TV, pas barazimit me Laçin.
Deliallisi deklaroi se në pjesën e dytë ndryshoi skemën, ndërsa tha se priste më shumë nga ekipi në këtë takim.
Në momentin që nuk shënon, ndeshja mund të marrë rrjedhë tjetër, Kur e nis me agresivitet dhe krijon raste flagrante, duhet të shënojmë. Loja ra në ritëm, sulm Laç, sulm ne. Në pjesën e parë kundërshtari ishte më mirë se ne.
Në të dytën ndryshova sistemin. Edhe pas daljen me karton të kuq, nuk kishim qartësi dhe besimin e duhur, për të goditur Laçin dhe për të fituar ndeshjen. Nëse do shënonim, do ishte histori tjetër. Prisja më shumë nga kjo ndeshje. Intensiteti më shqetësoi në minutat e fundit.
Sulmuesin e kam nga data 1 dhjetor. Ka 6 muaj, që nuk ka ritmin e ndeshjes., E sakrifikova më shumë sesa duhet. Ishte planifikuar për 55-60 minuta. Rastet i dolën dhe mund të kishte bërë më mirë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
