Te Juventusi po mendojnë për një revolucion në klub, pas problemeve të shfaqura në sezonet e fundit.
Ky sezon nisi me pritshmëri të mëdha për bardhezinjtë, por deri në këtë moment, skuadra ka zhgënjyer totalisht.
Nën akuzë për situatën e ekipit, është edhe drejtori sportiv, Cherubini, i cili pritet të largohet.
Presidenti Agnelli, po mendon për një ndryshim në shkallë të gjerë dhe thuhet se për rolin e drejtorit sportiv, është zgjedhur shqiptari, Igli Tare. Ky i fundit pëlqehet shumë në ambientin e “Zonjës së Vjetër”, për sukseset e arritura në sezonet e fundit të Lazio.
Sipas “Tuttosport”, Tare është i pari në listë për rolin e drejtorit sportiv te Juventusi, ndërsa në listë janë gjithashtu edhe emra si Petrchi apo edhe Guintoli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
