Duke qenë se reparti mbrojtës në sezonin e lënë pas ka rezultuar jo në nivelin e pritur, drejtuesit e Juventusit nuk kanë preferuar të humbasin kohë dhe janë hedhur në sulm për Lucas Vazquez.
‘’ Zonja e Vjetër ‘’ realizoi një sezon shumë larg pritshmërive , skuadër e cila do të performojë në Conference League në vijuesin dhe spanjolli e ka bindur Massimilliano Allegrin se duhet të jetë një ndër lojtarët të cilët duhet të transferohen në ‘’ Allianz Stadium ‘’ gjatë verës.
Përshtatja si ekstrem dhe mbrojtës i djathtë e shëndërrojnë në një element për tu marrë në konsideratë dhe traineri italian i vlerëson aftësitë e 31 vjeçarit, i cili mund ti japë fund problemeve në këtë repart.
Sipas informacioneve të fundit , bardhezinjë janë të gatshëm të ofrojnë 7 milionë euro për Lucas Vazquez, i cili me Real Madridin e përfundon kontratën në 30 qershorin e 2025-sës .
Sigurisht kalimi tek torinezët do të ishte fillimi i një eksperience të re tek një ndër pesë kampionatet më të rëndësishëm të Europës , tek një ekip i cili ndër vite ka qenë pretendent kryesor për fitimin e trofeve , sidomos në Itali por së fundmi ka rrëshkitur paksa dhe do të tentojë me çdo kusht të rikthehet në majë në çdo kompeticion pjesëmarrës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
