E ardhmja e Cristiano Ronaldos mbetet një ndër çështjet më të rëndësishme të merkatos .
Portugezi po kërkon një destinacion për të vijuar karrierën dhe përveç një rikthimi të mundshëm në ‘’ Santiago Bernabeu ‘’ flitet edhe për Major League Soccer.
Sipas ‘ Daily Mail ‘ kontaktet e para kanë filluar me agjentin dhe njëkohësisht bashkombasin Jorge Mendes dhe është Inter Miami i David Beckhamit që po tenton të pasurojë organikën me pesë herë fituesin e ‘’ Topit të Artë ‘’.
Transferimi i sulmuesit sigurisht do ti shtonte të ardhurat për amerikanët , sidomos me anë të sponsorve të shumtë dhe ky kampionat do të fitonte më tepër rëndësi.
Megjithatë, e kaluara brilante e 37 vjeçarit kurrsesi s’mund të harrohet por duket se objektivi kryesor i tij është të veshë edhe njëherë bluzën e Real Madridit për të luftuar më pas për fitimin e Champions Leagues, kompeticioni i preferuar i ishi-t të Sporting Lisbonës.
S’duhet përjashtuar as interesi i disa klubeve nga Arabia Saudite dhe gjithashtu i Newcastle United, ekipi më i pasur i botës aktualisht.
Konsiderohet ende herët për të përcaktuar destinacionin final të golashënuesit nga Madeira, i cili momentalisht është i fokusuar tek Botërori i Katarit dhe në ndeshjen e djeshme kundër Ganës tregoi potencialin duke zhbllokuar rezultatin me një gol të shënuar me penallti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
