Revolucioni i Chelseat në këtë merkato vijon me ritmin e duhur dhe në ‘’ Stamford Bridge ‘’ po ndërmerren aksionet për ti dhënë zgjidhje çdo situatë që nuk e ka lënë të kënaqur Thomas Tuchelin .
‘’ Blutë e Londrës ‘’ kanë deklaruar elementët që nuk i shërbejnë të ardhmes së tyre ndër të cilët përfshihen Cesar Azpilicueta , Christian Pulisic, Hakim Ziyech, Timo Werner dhe Marcos Alonso , lojtarë që pretendohen në La Liga dhe Serinë A .
Ishi i Borussia Dortmundit nuk e ka fshehur zhgënjimin për largimin e Cesar Azpilicuetas i cili do ti bashkohet Barcelonës dhe në rastin e lojtarëve të tjerë pak a shumë e konsideron një vendim të drejtë, gjithmonë nëse nga drejtuesit e kryeqytetasve do të bëhet një punë cilësore në lidhje me gjetjen e zëvëndësuesve të tyre.
Fakti se Chelsea gjithmonë lufton për trofe të rëndësishëm imponon një analizë të detajuar të çdo transferimi për nisjen e kësaj etape të re e cila do të tregojë se si kanë vepruar gjigandët e Premier Leagues dhe më gjerë në merkaton e verës .
Me Thomas Tuchel në stol, Chelsea në të kaluarën arriti shumë shpejt të tregojë potencialin duke fituar Champions Leaguen dhe të besuarit e gjermanit s’mendojnë të ndalen sepse i kanë të gjitha mundësitë për të triumfuar në të ardhmen .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
