Dani Ceballos drejt Milanit

 Prej kohësh tek Milani ka filluar puna në funksion të merkatos së verës.

Tek kuqezinjtë priten përforcime në disa reparte, kryesisht në mesfushë.

Italianët i janë rikthyer një objektivi të vjetër, në listën e të cilëve tanimë është përfshirë Dani Ceballos.

Spanjolli mund të transferohet shumѱ shpejt në ‘’ San Siro ‘’ duke qenë se marrëdhëniet ndërmjet dy klubeve vijojnë të jenë të shkëlqyera.

E ardhmja e ishi-t të Real Betisit mbetet e paqartë, i cili pretendohet edhe nga të tjerë ekipe cilësorë.

Aktivizimi me ‘’ Galaktikët ‘’ ka rezultuar i reduktuar në sezonet e fundit dhe sipas ‘ Mundodeportivos ‘, shtatë herë fituesit e Champions Leagues kanë hyrë në garë për të përfituar shërbimet e 27 vjeçarit.

Numri një i stolit kërkon më shumë grintë, kreativitet dhe efikasitet në këtë repart dhe Dani Ceballos konsiderohet lojtari i duhur për arritjen e këtij objektivi.

‘’ Djalli ‘’ aspiron për tu rikthyer në atë rivalin e dikurshëm, pretendent njëkohësisht për të fituar tituj, në Itali dhe Europë.

Humbja e terrenit, sidomos në Itali në dy sezonet e fundit, imponon drejtuesit për të dhënë maksimumin gjatë kësaj periudhe për të ngushtuar diferencën me rivalët dhe arritjen e suksesit, në çdo kompeticion pjesëmarrës.