Tek Real Madridi ka filluar të mendohet seriozisht për merkaton e verës, periudhë e cila do të jetë shumë e rëndësishme për të ardhmen.
Pritet që të largohen disa lojtarë nga ‘’ Santiago Bernabeu ‘’, një ndër të cilët do të jetë me shumë gjasa Nacho Fernandez.
Mbrojtësi e përfundon kontratën në 30 qershor me ‘’ Galaktikët ‘’, i cili prej shumë vitesh ka shfaqur një rendiment për tu marrë shembull me skuadrën e zemrës.
Në Itali ka filluar me kohë interesi për 34 vjeçarin, lojtar me shumë eksperiencë, i cili e ka zhvilluar të gjithë karrierën me kryeqytetasit.
Interi dhe Roma janë dy ekipe, drejtuesit e të cilëve besojnë tek potenciali i Nacho Fernandez, për të cilin do të ishte i vështirë qëndrimi tek Real Madridi pasi Carlo Ancelotti e ka të mirëmbuluar prapavijën me prezencen e Rudiger, Militaos dhe David Alabas.
Kështu që Seria A, një ndër pesë kampionatet me prestigjozë të Europës, konsiderohet një urë shpëtimi për lojtarin e lindur në Alcala de Henares.
Si zikaltërit ashtu edhe ‘’ Verdhekuqtë ‘’ konsiderohen një destinacion interesant, ekipe që e treguan potencialin në të kaluarën, në Itali dhe kontinentin e vjetër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
