Shqipëria është mposhtur në miqësore me rezultatin 3-1 nga Republika Çeke. Pjesa e parë u mbyll në barazim 1-1, ndërsa në të dytë vendasit ia dolën të realizojnë dy herë.
Ishin çekët që kaluan të parët në avantazh, me Patrik Shik në minutën e 18-të, i cili pasi mori një top në zonë, gjuajti bukur me të majtën, duke e ndalur topin në fundin e rrjetës.
Për Shqipërinë barazoi Sokol Cikalleshi në minutën e 42, teksa me një predhë nga jashtë zone, shtangu portierin e Çekisë, duke shënuar një supergol. Përveç golave, rastet për të dyja kombëtaret nuk munguan, me Shqipërinë që e nisi shumë mirë ndeshjen, duke pasur dy raste me Cikalleshin dhe Baren, ndërsa pas golit çekët morën nën kontroll frenat e lojës, duke krijuar disa raste, por nuk ishin të saktë para porte, kjo edhe për shkak të pritjeve të shkëlqyera të Gentian Selmanit.
Në pjesën e dytë Shqipëria kishte disa raste të tjera për shënim, por atë që nuk e bënë kuqezinjtë e Rejës, e bënë çekët, të cilët shënuan dy herë, me Masopust në minutën e 68-të dhe Celustka në minutën e 89-të.
Në fundin e ndeshjes, Shqipëria i shkoi shumë afër golit të dytë, por gjuajtja e Bares u ndal te shtylla.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
