Milani vijon të bëjë llogaritë për sezonin vijues i cili pritet të përcillet me shumë emocione . Rikthimi në Champions League i ka entuziazmuar pa masë kuqezinjtë e drejtuar nga Stefano Pioli i cili do të ketë një detyrë të vështirë dhe të lodhshme në planifikimin e organikës . Hapat e ndërmarrë nga italianët janë të shumtë dhe një ndër ta është edhe kërkesa për qëndrimin e sulmuesit Brahim Diaz .
Huazimi tek Milani i ka shërbyer 21 vjeçarit për të vënë veten në provë në Serinë A . Në bazë të rendimentit të shfaqur drejtori sportiv Paolo Maldini nuk është vonuar aspak por ka kërkuar qëndrimin e ishi-t të Real Madridit në ‘’ San Siro ‘’ për ti hapur rrugën ecurisë pozitive në çdo kompeticion pjesmarrës .
Prestigjozja Marca ka raportuar se Milani aktualisht është në negociata konstante me ‘’ Galaktikët ‘’ për të aplikuar sërish formulën e huazimit me një opsion blerje përfundimtare të kartonit që arrin 22 milionë eurot . Nëse analizojmë termat cilësi-çmim mund të thuhet se kjo shifër është komplet e justifikuar sepse loja e tij ka rezultuar në nivele impresionuese . Megjithatë nëse i referohemi të ardhmes , në rastin se Brahim Diaz do të ketë fatin e ecurisë së sezonit të kaluar, ‘’ Galaktikët ‘’ mund ta rikthejnë në ‘’ Santiago Bernabeu ‘’ për 27 milionë euro .
Një hap i tillë konsiderohet shumë i vlefshëm për Brahim Diaz për shkak të mungesës së protagonizmit tek Real Madridi sepse në rolin e tij janë preferuar belgu Eden Hazard dhe braziliani Vinicius Junior . Përballë kësaj situate madrilenët janë të detyruar që ti tregojnë dritën jeshile , rrugë të cilën deri më tani e ka përshkruar siç duhet falë besimit që i ka dhënë Stefano Pioli .
Fakti i rikthimit përsëri në turneun më prestigjoz europian është një motiv më shumë për një Milan që është drejt rrugës së rikuperimit të Adn-së dhe për ta bërë realitet duhet të përbëhet domosdoshmërisht nga lojtarë të kalibrit dhe një dorë të hekurt , detyrë që mund ta realizojë shumë mirë Stefano Pioli .
7 gola në 39 ndeshje i kanë krijuar shumë besim Milanit se me këtë lojtar produktiviteti në sulm do të shtohet dhe kompromisi i çdo komponenti do të rezultojë determinant për arritjen e objektivave .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
