Është mbyllur pjesa e parë në sfidën mes Laçit dhe Dinamos, të vlefshme për javën e 11-të, në Abissnet Superiore.
Pas 45 minutave të para, kryesojnë kurbinasit, falë një goli të shënuar nga Saliu Guindo në minutën e 7-të. Sulmuesi i Laçit përfitoi nga një top i kthyer mbrapa nga Imami, duke dribluar portierin dhe me topin që u ndal në rrjetë.
6 minuta më vonë Dinamo iu afrua golit të barazimit, por topi i gjuajtur nga Agim Ibraimi u ndal në tranversë. Pas këtij rasti, ndeshja më pas ishte e qetë, me të dyja skuadrat që u treguan të kujdesshme.
Pjesa e dytë pritet të jetë e luftuar, me Dinamon që do të kërkojë golin, ndërsa Laçi të mbrojë rezultatin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
