Tentativat e Barcelonës për tu fuqizuar me largimin e Memphis Depay kanë filluar prej kohësh dhe pretendenti më i interesuar deri në këtë moment është Arsenali.
Katalanasit e njohin shumë mirë kapacitetin e hollandezit dhe do të kërkojnë të përfitojnë maksimalisht nga largimi i tij nga ‘’ Camp Nou ‘’ .
Sipas prestigjozes ‘ Sport ‘ , spanjollët s’do të pranojnë oferta poshtë 40 milionë eurove për ishi-n e Psv Eindhovenit për të cilin do të dilnin të fituar sepse e transferuan nga Lyoni me parametra zero në merkaton e kaluar.
‘’ Topchinjtë ‘’ janë duke bërë përpjekje maksimale për ta filluar ndryshe sezonin e ardhshëm pa anashkaluar se janë tejet të përqëndruar në javët e fundit të Premier Leagues ku diskutohet pjesëmarrja në Champions League për të besuarit e Mikel Artetas.
28 vjeçari e njeh këtë kampionat sepse në të kaluarën mbrojti ngjyrat e Manchester United dhe kryeqytetasit i kanë bërë sërish thirrje pasi duan të zëvëndësojnë të larguarin Pierre Emerick Aubameyang i cili po shijon një rini të dytë tek Barcelona.
Për Memphis Depay kjo eksperiencë ka shërbyer për të kuptuar se deri ku i ka limitet ky lojtar dhe gjithashtu se fati nganjëherë nuk të shoqëron dhe gjithmonë duhet të mbizotërojë profesionalizmi dhe marrja e vendimeve të duhura në funksion të përmirësimit .
Vetëm 12 gola dhe 2 asiste në 34 sfida përmbledh eksperiencën me kuq e blutë deri në këtë moment dhe duhet parë se cila skuadër do t’ia plotësojë kushtin Barcelonës dhe të afrojë në gjirin e saj golashënuesin e mirënjohur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
