Në kohët e fundit drejtuesit e Juventusit kanë trokitur në derën e Atletico Madridit për të rikthyer Alvaro Moratan ne ‘’ Wanda Metropolitano ‘’.
Spanjolli e ka bërë me dije se dëshiron të largohet nga kryeqytetasit dhe ‘’ Zonja e Vjetër ‘’ ia ka hapur përsëri derën.
Sipas italianes ‘ La Stampa ‘ , pritet që ekipet në fjalë të realizojnë një shkëmbim, i cili do të përfshijë sulmuesin Moise Kean.
Italiani mund të vihet shumë shpejt nën urdhërat e Diego Simeones, vlera e të cilit në treg i arrin 12 milionë eurot.
Ylli i kombëtares së ‘’ La Furia Rojas ‘’ e njeh shumë mirë Serinë A pasi në të kaluarën ishte pjesë e bardhezinvje në dy periudha të ndryshme, ndërsa për ishi-n e Paris St Germain do të ishte eksperienca e parë në La Liga.
24 vjeçari shquhet për potencialin në metrat e fundit, i favorizuar edhe nga aspekti fizik, i cili e ka ndihmuar shpeshherë sidomos në duelet një kundra një.
Ndërkohë që për ish rekordmenët e Serisë A prezenca e Alvaro Moratas mund ti japë një avantazh ofensivës, një element shumë cilësor, i cili di ti zgjidhë situatat dhe të përfitojë nga gabimet e rivalëve.
Për më tepër eksperienca në kompeticionet europiane mund ti ndihmojë juventinët për arritjen e sukseseve, lojtar i cili e përfundoi sezonin e kaluar me ‘’ Los Rojiblancos ‘’ me 21 gola dhe 3 asiste në 48 sfida dhe zhbllokoi rezultatin në ndeshjen e parë të Spanjës kundër Kroacisë në Europian.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
