Milani drejt blerjes së Fikayo Tomorit

 Huazimi nga Chelsea tek Milani i ka shërbyer mjaftueshëm mbrojtësit Fikayo Tomori për të rritur kualitetin në fushën e lojës.  23 vjeçari ka bindur Stefano Piolin se duhet të jetë një ndër blerjet e merkatos së verës sepse ka shkëlqyer me nivelin e treguar .    Kanadezi ia ka lehtësuar rrugën  e gjatë që e pret teknikun italian i cili është drejt formimit të një skuadre shumë kompetitive për në Serinë A dhe sidomos në Uefa Champions League .

 Raportimet e ‘ Sky Sports ‘ flasin për shifrën e 29 milionë eurove që Milani duhet ti paguajë Chelseat për një vlerë  të shtuar në repartin defensiv . Duke iu referuar një lojtari me cilësi  të tilla , Milani as që nuk e ka menduar dy herë  firmosjen për 5 sezonet e ardhshme që do të vulosë qëndrimin e Fikayo Tomorit në ‘’ San Siro ‘’ .  Karakteristikat që mbart  flasin për një lojtar shumë luftarak  dhe këmbngulës , faktorë që i nevojiten shumë Milanit.   

  Fikayo Tomori do të jetë një ndër mungesat e  kombëtares së ‘’ Tre Luanëve ‘’ gjatë Europianit  ku britanikët do të  garojnë në grupin D kundër Cekisë ,  Kroacisë  dhe Skocisë  por nuk i ka humbur shpresat për Botërorin e Katarit  që do të startojë në vitin 2022.  Me  këtë arritje  praktikisht të finalizuar Milani i ka bërë një dëm të konsiderueshëm kryeqytetasve  të cilët ndoshta  do  të pendohen në të ardhmen  por aktualisht Thomas Tuchel e ka të mirëmbuluar pozicionin e qendrës së mbrojtjes me lojtarë që mbajnë një eksperiencë të madhe mbi supe si  Thiago Silva dhe Antonio Rudiger .  

 Pas disa huazimesh në skuadra të dorës  së dytë në Angli si  Brighton ,  Hull City dhe  Derby County , Fikayo Tomori e ka gjetur strehën në  Serinë A me një ndër skuadrat më të famshme të Italisë që pas  disa sezonesh do të provojë forcat edhe në Champions League .  Stefano Pioli është treguar shumë efikas dhe  ka besuar tek aftësitë e  kanadezit duke e aktivizuar në 22 takime gjatë sezonit  dhe e ia ka shpërblyer besimin me lojën e zhvilluar e cila lë për të kuptuar se nuk ka gabuar  .