Barcelona ka mposhtur Osassunan duke fituar me rezultatin e thellë 0-3 rezistoi. Vendasit rezistuan vetëm 59 minuta lojë pa pësuar gol por më pas për më shumë se gjysmë orë katalanasit dominuan lojën në Pamplona.
Një fitore e rëndësishme kjo për të besuarit e Luis Enriques që i rikthehen sukseisit pas tre barazimeve radhazi. Pas rasteve të shpërdorura në fraksionin e parë Luiz Suarez zhbllokoi sfidën i asistuar nga Jordi Alba.
Ishtë sërish mbrojtësi i majtë që u dha mundësinë për të realizuar Lionel Messit në të 72-ë. Argjentinasi shënoi të dytin personal në këtë përballje në kohën shtesë, pasi vallëzoi mes mbrojtes vendase.
Ndësa Valencia pësoi humbjen e radhës në transfertë këtë radhë në fushën e Real Sociedadit, që fitoi me rezultatin 3-2. Willian Jose shënoi dy gola të shpejtë në minutat 2 dhe 24, ndërsa valencianët mundën të reagonin vetëm në fund të pjesës së parë me Parejon, që u tregua i saktë nga pika e bardhë e penalltisë.
Në të 60-ën Carlos Vela humbi një 11-metërsh, duke e mbajtur të hapur takimin deri në përfundimin të kohës së rregullt, gjithsesi në kohën shtesë skuadra baske realizoi edhe të tretin me Juanmi. Valencia, që luajti nga minuta e 82-të me një lojtar më pak, pas ndëshkimit të kuq të Cancelos, e shkurtoi sërish diferencën me Bakkalin, por pa mundur ta shmangte humbjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
