Situata e vështirë e Barcelonës , e reflektuar edhe tek eleminimi nga faza e grupeve të Champions Leagues, nuk i lë zgjidhje tjetër Joan Laportas veçse të përqëndrohet maksimalisht tek merkatoja e janarit.
Presidenti i ‘’ Los Cules ‘’ pavarësisht investimit të bujshëm të bërë në verë nuk mundi ta pozicionojë ekipin e zemrës aty ku e meriton në kompeticionin më të rëndësishëm europian për klube dhe sipas ‘ Sport ‘ qëllimi i manjatit spanjoll është rikthimi i Lionel Messit në ‘’ Camp Nou ‘’ gjatë periudhës së janarit.
Eleminimi i Barcelonës sigurisht ka patur prapaskena , një ndër të cilat është e ardhmja në dyshim e Xavi Hernandezit tek ish ekipi i tij.
Por megjithatë nuk do të jetë aspak e lehtë sepse ‘’ La Pulga ‘’ po shkëlqen me Paris St Germain dhe ka arritur të adaptohet nën drejtimin e Christophe Galtier .
Kontrata e sulmuesit me ‘’ Les Pariziens ‘’ përfundon në verën e 2023-shit dhe momentalisht është i fokusuar 100 % tek Botërori i Katarit , me shumë gjasa i fundit në karrierën e shtatë herë fituesit të ‘’ Topit të Artë ‘’.
Kryeqytetasit kanë formuar një ekip yjesh i cili frikëson çdo rival dhe natyrisht Nasser Al Khelaifi konsideron se ky Paris St Germain është i aftë ta thyejë akullin në Champions League dhe kështu ti shtojë trofeun e parë vitrinës së tejmbushur.
Teorikisht ky akord është i pamundur për tu finalizuar pë arsye të rëndësisë tek parizienët pavarësisht se Lionel Messi gëzon një respekt të veçantë për ‘’ Blaugranët ‘’, skuadër në të cilën u rrit dhe arriti të shëndërrohej në një ndër lojtarët më të mirë të të gjitha kohërave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
