Shqipëria U-21, triumfoi 2-1 ndaj Azerbajxhanit, në miqësoren e zhvilluar në Turqi. Kuqezinjtë e drejtuar nga Alban Bushi, u shfaqën dominues, duke marrë edhe fitoren në fund.
Stiven Shpendi zhbllokoi sfidën në fundin e pjesës së parë, teksa ishte minuta e 43-të kur 19-vjeçari i talentuar që luan me Cesena në Serie C, realizoi një gol të bukur.
Azerbajxhani barazoi takimin sapo nisi pjesa e dytë, falë golit të Camalov, por skuadra jonë u rikthye shumë shpejt sërish në avantazh.
Adrion Pajaziti, i cili aktivizohet me Haugesund në Norvegji, shfrytëzoi një top të ardhur nga krahu i djathtë. 20-vjeçari goditi saktë dhe nisi festën me shokët e skuadrës, duke shënuar edhe golin e fitores.
Kombëtarja U-21, do të luajë një tjetër miqësore më 27 mars, ku këtë herë do të përballen me Poloninë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
