E ardhmja e Benjamin Seskos tashmë është vendosur.
Slloveni do të mbajë veshur bluzën e Manchester United, drejtuesit e të cilit e fituan garën me Newcastlen.
Presidentët e ‘’ Djajëve të Kuq ‘’ Joel dhe Avram Glazer kanë shpenzuar 85 milionë euro për golashënuesin, i cili zhvilloi dy sezone shumë të mira tek Leipzigu.
Pothuajse në çdo merkato emri i tij u përfshi në listën e ekipeve të elitës në Europë por 20 herë kampionët e Premier Leagues e fituan garën dhe do ta kenë pjesë të tyren.
Me vetëm 22 vite mbi supe Benjamin Sesko ka bërë një hap tejet të suksesshëm në karrierë i cili njëkohësisht i jep privilegjin e të përfaqësuarit një ekip me shumë traditë në çdo kompeticion.
Mbetja në prapavijë në lidhje me titujt është një shqetësim i dukshëm për drejtuesit dhe trainerin Ruben Amorim, i cili ne sezonin e shkuar e dërgoi Manchester United deri në finalen e Europa Leagues.
Pasi e ka hedhur firmën mbi kontratë, Benjamin Sesko është shprehur:
“ Manchester United ështe një klub shumë i rëndësishëm. Jam i lumtur që jam këtu dhe do të jap maksimumin për këtë klub. Besoj se me mbështetjen e të gjithëve do ti arrijmë objektivat ‘’, përfundoi shtatlarti i ofensivës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
