Kombëtarja shqiptare në minifutboll, ka regjistruar një arritje historike. Kuqezinjtë e drejtuar nga Irtan Sejko, kanë prerë biletën për në gjysmëfinalen e EuroCup, për herë të parë në histori.
Shqipëria fitoi edhe ndeshjen e fundit në grupin C, ku mposhti me rezultatin 2-1 Spanjën. Gledis Nuza në minutën e 2-të dhe Endri Kaca në minutën e 8-të, ishin autorët e golave për kuqezinjtë.
Diferenca e dy golave u ruajt deri në minutën e 35-të, ku Rodriguez ngushtoi shifrat, por vetëm kaq për Spanjën, pasi Shqipëria mbrojti me fanatizëm deri në fund.
Në gjysmëfinale Shqipëria do të përballet me fituesin e çiftit Gjeorgji-Qipro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
