Trajneri i Portos, Sergio Conceicao, foli në konferencë për shtyp, para ndeshjes së kthimit ndaj Interit. Pas humbjes minimale në ndeshjen e parë, portugezët do të kërkojnë përmbysjen, për të shkuar në çerekfinale.
Conceicao, referuar formës së dobët të Interit në kampionat, tha se ndeshjet në Champions League janë ndryshe.
Ndeshjet mund të jenë të ngjashme, por nuk do të jenë kurrë njësoj. Kjo do të varet edhe nga lojtarët që do të hyjnë në fushë për Interin, për shembull mendoj se ka dyshime për praninë e Skriniar apo jo. Nuk e di nëse do të luajë Dumfries.
Unë nuk jam trajneri i Interit, por të gjitha humbjet janë të rënda për një klub të mësuar të fitojë si Interi. Ndeshjet e Ligës së Kampionëve janë të ndryshme, megjithatë, në nivel psikologjik problemet unë besoj se nuk ndikojnë nesër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
