Pavarësisht se është afër fitimit të Primera Division Atletico Madridi po planifikon sezonin vijues ku do të ketë një detyrë të vështirë drejt mosndaljes së ritmit . Ne lidhje me merkaton Diego Simeone ka parashtruar objektivat për të qenë në koherencë të plotë sepse një gabim i mundshëm mund ti kushtojë shumë shtrenjtë ‘’ Los Colchoneros ‘’ . Argjentinasi ka filluar me spastrimet në të cilat përfshihen lojtarë me një peshë të caktuar tek kryeqytetasit si Saul Niguez , Kondogbia, Lucas Torreira apo Hector Herrera për ti krijuar terrenin e përshtatshëm të tjera alternativave .
Një ndër to është Naby Keita . Mesfushori i Liverpoolit preferohet shumë nga tekniku 51 vjeçar . Lojtari nga Guinea ka humbur shumë terren me ‘’ The Redsat ‘’ dhe mbi të gjitha nuk i ka justifikuar 40 milionë eurot e derdhura në arkat e Leipzigut në verën e 2017- tës . Si duket presioni i të luajturit si Liverpooli nuk është menaxhuar siç pritej nga Naby Keita dhe është lënë në prapavijë nga Jurgen Klopp . Futja në luftë e Atletico Madridit thekson një vlerësim më vete për Naby Keitan sepse gjërat për spanjollët kanë shkuar vaj dhe ky fakt parashikohet se nuk do të shpërdorohet nga lojtari i lindur në Konakri . Lufta e ashpër ndër vite e Atleticos si në kampionat dhe Champions League është drejt dhënies së një rezultati historik sepse i mbeten edhe dy javë për tu shpallur kampion në La Liga .
Ky episod do të përceptohet si shumë atraktiv për lojtarë të njohur për të bërë gati valixhet dhe të zbarkojnë në ‘’ Wanda Metropolitano ‘’ për të shmangur devijimin e Atleticos nga kjo rrugë e nisur që do të ketë shumë pengesa në të ardhmen . Rendimenti i vakët i Naby Keitas është reflektuar me 15 ndeshje dhe asnjë gol me anglezët duke e vënë në pikpyetje vazhdimin në Premier League .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
