Fitorja ndaj Teutës, Deliallisi: Nuk kemi bërë asgjë, duhet të punojmë

Trajneri i Erzenit, Alfred Deliallisi, foli për MCN TV, pas ndeshjes ku skuadra e tij fitoi minimalisht ndaj Teutës. 

Deliallisi deklaroi se diferencën e bëri përqendrimi dhe përgjegjësia imdividuale, por shtoi se me këtë fitore nuk është arritur asgjë, skuadra duhet të vazhdojë të punojë. 

Ka qenë një javë e gjatë për ta pëgatitur ndeshjen dhe për të rikuperuar.  Kontigjentin e kemi të cunguar. Por jam munduar më shumë nga ana psikologjikë të ngre moralin e ekipit pasi kualiteti është. Sot kërkova vetëm se duhet të rrisim përqendrimin dhe përgjegjësine individuale. Mendoj se kjo e bëri diferencën sot.

Kacbufi ka cilësi të jashtëzakonshme në mënyrën sesi e ndërton lojën nga poshtë. Por e gjithë skuadra ishte në nivelin e duhur. Nuk kemi bërë asgjë, duhet të ulim kokën dhe të punojmë.