Trajneri i Borussia Dortmund, Edi Terzic, u shfaq besimplotë, se skuadra e tij mund të kualifikohet në gjysmëfinalen e Ligës së Kampioneve.
Në konferencën për shtyp para ndeshjes së kthimit me Atletico Madrid, Terzic deklaroi se skuadra e tij ka gjithçka në dorë, pavarësisht humbjes 2-1 në ndeshjen e parë.
Jemi të sigurt që tifozët tanë do të krijojnë një atmosferë të mrekullueshme dhe ne duam t’ua shpërblejmë me një paraqitje të mirë. Atletico Madrid na detyroi të bëjmë disa gabime javën e kaluar, por nesër do të kemi gjithçka në duart tona që të kualifikohemi në gjysmëfinale.
Ne e dimë se do të përballemi me një kundërshtar me shumë përvojë, por ne duam të bëjmë mirë menjëherë. Është thelbësore të kemi një reagim dhe të korrigjojmë gabimet e bëra në ndeshjen e parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
