Dyshimet për të ardhmen e Robert Lewandovskit në ‘’ Allianz Arena ‘’ për të cilin interesohet Manchester City , Real Madrid dhe Chelsea i kanë shërbyer si reflektim drejtuesve të Bayern Munchen për të filluar me kërkimin e zëvëndësuesit të polakut . Bavarezët nuk kanë shkuar larg Bundesligës dhe mesa duket e kanë gjetur . Flitet për lojtarin e Wolfsburgut Wout Weghorst i cili është prezantuar denjësisht nën drejtimin e Mark Van Bommel , fakt që i dha shansin e pjesëmarrjes në Europian me Hollandën .
I klasifikuar si golashënuesi i katërt në Gjermani tashmë është bërë pjesë e planeve të liderve absolutë në këtë kampionat të cilët pretendojnë në çdo sezon zgjerimin e suksesit. Largimi i Robert Lewandovskit do të linte shumë boshllëqe në skemat e Julian Nagelsmann por skuadra të këtij niveli reagojnë shumë shpejt për të mos humbur kohë në funksion të sezonit të ri .
Nuk duhet harruar se ëndërra në sirtar e gjermanëve mbetet Erling Haaland por konkurrenca për norvegjezin ashpërsohet me kalimin e kohës dhe akoma nuk është e qartë se si mund të përfundojë kjo histori.
Europiani e ka ndihmuar shumë Wout Weghorst për tu vënë në fokusin e Bayern Munchen pavarësisht se ‘’ Tulipanët ‘’ i dhanë fund aventurës duke u mundur në fazën e 1/8-tave nga Cekia me shifrat 0-2.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
