Pas rikthimit tek Sevilla dhe përfundimit të sezonit, Sergio Ramos ditën e sotme ka bërë me dije largimin nga ‘’ Sanchez Pizjuan ‘’.
Spanjolli zhvilloi 36 sfida, 7 gola dhe 1 asist me ‘’ Los Rojiblancos ‘’, kontrata e të cilit përfundon në 30 qershor.
Sigurisht, duke patur parasysh rëndësinë e mbrojtësit, drejtuesit i shprehën mirënjohje dhe falenderim për kontributin e dhënë, të cilin e presin të tjera sfida në vijimësi.
Parashikohet se 38 vjeçari do të përshëndetet zyrtarisht me tifozerinë dhe drejtuesit e klubit andaluz të martën në orën 11.00, i cili do të shoqërohet nga presidenti Jose Maria del Nido Carrasco.
Vijon të flitet se Major League Soccer do të jetë destinacioni i ri i ish kampionit të botës dhe Europës me kombëtaren ‘’ La Furia Roja ‘’, ndoshta tek ekipi i San Diegos.
Drejtuesit e amerikanëve po punojnë me shumë përkushtim për tu përforcuar në disa pozicione, të cilët kanë arritur marrëveshjen edhe me Hirving Lozanon, ishi-n e Psv Eindhovenit për shifrën e 12 milionë eurove.
Në kontinentin e vjetër Sergio Ramos ka patur privilegjin të fitojë shumë trofe të rëndësishëm me Real Madridin dhe Amerika konsiderohet një destinacion ideal për zhvillimin e viteve të fundit në futbollin e luajtur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
