Sfidë në La Liga për Franco Mastantuonon

  Hapësirat e reduktuara në sezonin e parë tek Real Madridi e kanë lënë paksa në prapavijë Franco Mastantuonon.

 Mesfushori ka patur ulje-ngritje në lidhje me rendimentin, diçka normale sidomos kur provon për herë të parë veten në kontinentin e vjetër. 

Dihet botërisht se kërkesa e llogarisë tek ‘’ Galaktikët ‘’ është shumë e madhe dhe tashmë drejtuesit po e mendojnë huazimin e 18 vjeçarit. 

Largimi për një kohë të caktuar nga ‘’ Santiago Bernabeu ‘’ do ti shërbente për të qenë në lartësinë e duhur në të ardhmen e afërt dhe faktikisht tashmë do të zhvillohet një duel interesant. 

Drejtuesit e Real Betisit dhe Villarealit i kanë ofruar një vend titullari, skuadra kompetitive në kampionatin spanjoll dhe Europë. 

Si tek ‘’ Los Verdiblancos ‘’ ashtu edhe tek ‘’ Nëndetësja e Verdhë ‘’ do të ishte një sfidë shumë e ashpër por gjithsesi mund të rezultojë vendimi i duhur për talentin amerikano-jugor. 

Vlen të rikujtohet se në aspektin e përgjithshëm, në veçanti për argjentinasit La Liga ka rezultuar gjithmonë një destinacion i preferuar dhe mbetet për tu parë se si do të përfundojë kjo histori gjatë kësaj merkatoje verore.