Ecuria shumë e mirë e Mauro Icardit me Galatasaray-n, po i siguron pretendentë me kalimin e kohës.
Argjentinasi është në fokusin e drejtuesve të Real Madridit dhe ekziston mundësia e huazimit në ‘’ Santiago Bernabeu ‘’ gjatë merkatos dimërore.
Prezenca e ishi-t të Interit mund ti sjellë benefite repartit të avancuar të kryeqytetasve për arsye se është një sulmues shumë produktiv, fakt i konfirmuar me 17 gola dhe 6 asiste në 25 sfidat e këtij sezoni me turqit.
Pas eksperiencës së dështuar tek Paris St Germain në të shkuarën , 30 vjeçari nga Rosario është rikthyer më i fortë dhe tanimë pretendohet nga një ndër ekipet e momentit, në Spanjë dhe Champions League.
Edhe në të kaluarën ‘’ Galaktikët ‘’ e kanë pretenduar ishi-n e Sampdorias , sidomos gjatë eksperiencës me Interin, një ndër lojtarët emblemë të zikaltërve asokohe.
Faza e dytë e sezonit do të jetë determinante për Real Madridin, skuadër shembullore në Champions League, e cila i ka fituar të gjitha sfidat në grupe dhe lideron në La Liga pas 18 sfidave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
