Kukësi vazhdon të jetë aktiv në merkato, teksa së fundmi ka zyrtarizuar dy lëvizje. Mbrojtësi Bruno Lulaj, është larguar zyrtarisht nga verilindorët.
Lojtarit i kishte përfunduar kontrata dhe palët vendosën të mos rinovojnë. Lulaj del kështu lojtar i lirë dhe është në kërkim të një skuadre të re.
Kukësi ka zyrtarizuar edhe afrimin e sulmuesit, Edwin Gyasi. Gyasi vjen te Kukësi nga kampionati izraelit, duke qenë sezonin e fundit pjesë e skuadrës së Beitar Jerusalem, teksa në të shkuarën ka luajtur edhe për ekipe si Grafschap, Heracles, Roda, Alesund, CSKA Sofie, Dallas, Samunspor e Bolusport.
Gyasi është një prodhim nga akademia e AZ Alkmar, teksa ka qenë edhe pjesë e ekipit të të rinjve të Twentes. Në të shkuarën, Gyasi ka luajtur edhe me kombëtaren e Ganës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
