Mynihu i vë emrin e Beckenbauer-it rrugës pranë stadiumit Allianz Arena

<p>Një pjesë e rrugës, e quajtur aktualisht Werner Heisenberg Allee, e cila kalon pranë stadiumit në veri të Mynihut do të riemërtohet Franz Beckenbauer Platz.</p> <p>Ndryshimi do të thotë se stadiumi, i cili do të presë finalen e Ligës së Kampionëve në maj 2025, do të jetw zyrtarisht në Franz Beckenbauer Platz 5 - numri i fanellës së mesfushorit.</p> <p>Beckenbauer, i mbiquajtur 'Der Kaiser' për stilin e tij dominues në fushë, ishte një nga lojtarët më të mëdhenj të të gjitha kohërave.</p> <p>Ai vdiq në janar në moshën 78-vjeçare dhe Këshilli i Qytetit të Mynihut njoftoi se ndryshimi do të hyjë në fuqi në përvjetorin e parë të vdekjes së tij, më 7 janar 2025.</p> <p>“Emërtimi i një rruge është nderimi më i lartë që qyteti i Mynihut mund të bëjë pas vdekjes dhe një shenjë e respektit dhe vlerësimit të thellë që kemi për Franz Beckenbauer”, tha në një deklaratë kryebashkiaku Dieter Reiter.</p> <p>Beckenbauer fitoi Kupën e Botës si lojtar dhe trajner, së bashku me Euron dhe Topin e Artë.</p> <p>Gjatë 13 viteve me Bayernin, mesfushori i lindur në Mynih fitoi tre Kupa Evropiane dhe katër tituj të ligës gjermane, duke fituar një tjetër me Hamburgun në 1981-82.</p> <p>Reiter e quajti Beckenbauer "një nga atletët më të mëdhenj që qyteti ka prodhuar ndonjëherë”.</p> <p>Beckenbauer gjithashtu do të nderohet me një statujë jashtë stadiumit së bashku me atë të shokut të skuadrës së Bayernit dhe Gjermanisë, Gerd Mueller.</p> <p>&nbsp;</p>