E ardhmja e Alphonso Davies në Mynih është vënë seriozisht në dyshim kohët e fundit.
Kanadezi tashmë nuk është i padiskutueshëm në 11-shen e Vincent Kompany, fakt i cili mund të shoqërohet me largimin e tij nga ‘’ Allianz Arena ‘’ në fundin e sezonit.
25 vjeçari sigurisht konsiderohet një lojtar i cili bën diferencën, ndër më të shpejtit në kontinentin e vjetër.
Mirëpo, dëmtimet i kanë shkaktuar jo pak probleme në kohët e fundit dhe tek ish rekordmenët e Bundesligës diçka e tillë nuk tolerohet.
Këmbanat e alarmit kanë nisur të bien dhe krerët nga Mynihu kanë përcaktuar rreth 60 milionë euro për largimin e tij.
Kjo shifër konsiderohet llogjike në sajë të kontributit të dhënë nga ishi i Vancouver Whitecaps, për të cilin disa ekipe në Premier League kanë shfaqur interes.
Tek ky kampionat njihen për ofertat tunduese, sidomos kur bëhet fjalë për ekipet e rëndësishëm.
Për më tepër karakteristikat e Alphonso Davies janë të duhurat duke marrë parasysh lojën që zhvillohet në Angli i cili mund ta rigjejë vetveten.
Pritet një periudhë transferimesh me shumë emocione por si duket eksperienca prej tetë sezonesh në Mynih do të përfundojë shumë shpejt.
19 sfida, 1 gol dhe 3 asiste numëron lojtari i lindur në Ganë, ndër më të rrezikshmit pa diskutim në metrat e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
