Sulmuesi Harry Kane është afër shëndërrimit të një prej lëvizjeve më bombastike të merkatos . Anglezi e deklaruar prej kohësh se dëshiron të rritet në aspektin kolektiv dhe të fitojë trofe , dëshirë që deri më tani Tottenham Hotspuri nuk ja ka plotësuar . Duket se kupa për yllin e kryeqytetasve është mbushur dhe Manchester City është gati ti ofrojë një shumë tunduese presidentit Daniel Levy për ta larguar nga ‘’ White Hart Lane ‘’. Analizat e shumta të ‘’ The Citiziens ‘’ që kërkojnë ta kenë pjesë të tyre 27 vjeçarin i kanë dhënë për të kuptuar se duhet të përfshijnë lojtarë me peshë për të bindur ‘’ Gjelat e Londrës ‘’ .
Sipas TalkSport bardhekaltërit janë të gatshëm të hapin thesin duke ofruar 100 milionë sterlina, operacion në të cilin mendojnë të përfshijnë një ndër Gabriel Jesus , Riyad Mahrez , Raheem Sterling apo Bernardo Silvan . Finalja e humbur kundër Chelseat vijon ti dalë në ëndërr Pep Guardiolas të cilit i nevojiten prurje cilësore për të mos gabuar më në këtë fazë determinante të Uefa Champions Leagues .
Pikërisht reparti sulmues vijon ti krijojë dhimbje të shpeshta koke spanjollit dhe merkatoja verore konsiderohet si shpëtimi i vetëm për Manchester City-n .
‘’ Uragani ‘’ e finalizoi sezonin me 33 gola dhe 16 asiste në 49 ndeshje , statistika që e kanë impresionuar këtë trainer që kërkon të shtojë trofetë në vitrinën e gjigandëve të Premier Leagues .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
