Ish-futbollisti, Ermal Tahiri, në emisionin “Skaner” në MCN TV, deklaroi se titulli varet edhe nga këmbët e Partizanit.
Tahiri tha se të kuqtë i kanë mundësitë për të marrë kreun e renditjes, ndonëse janë 5 pikë më pak se Tirana kryesuese.
Titulli varet edhe te këmbët e Partizanit. Tirana ka ndeshje jashtë me Vllazninë, një barazim dhe fitore e të kuqve në derbi dhe me pikë të barabarta, titullin e merr Partizani në fund. Një barazim i Tiranës në ndeshjet e mbetura, fut Partizanin në lojë për të marrë kampionatin.
Duke folur për fitoren e Bylis ndaj Kastriotit, Tahiri deklaroi se ballshiotët e menaxhuan mirë ndeshjen.
Ndeshja filloi me Kastriotin 4-3-3 dhe luajtën për të fituar. Minuta a 7-të ishte shumë e rëndësishme, kur doli me të kuq te Kruja. Te Bylis ishin shumë të qetë dhe humbën shumë raste. U mundua Kastrioti të shënonte, por ishin të pafuqishëm në sulm. Më pëlqeu menaxhimi që Bylis i bëri ndeshjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
