Impresionuese dhe mbresëlënëse. Skuadra e Boca Juniors është nisur për në Madrid, ku do të luajnë në stadiumin “Santiago Bernabeu” finalen e kthimit të “Copa Libertadores” kundër rivalëve të River Plate.
Për të përcjellë skuadrën e tyre të zemrës kishin dal në rrugë një numër i madh i tifozësh që përshëndetën klubin e tyre duke i uruar një rikthim me fitore në Argjentinë.
Tifozët e zjarrtë të skuadrës së Boca Juniors e shoqëruan autobusin e klubit të tyre në aeroport duke krijuar një atmosferë fantastike.
Turma e tifozëve e ka shoqëruar autobusin e Tevezit me shokë nën brohorijet në mbështetje të tyre si dhe kanë ndezur mjete pirotentike, ku spikatin flakadanët.
Finalja e kthimit e “Copa Libertadores” do të luhet ditën e dielë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
