Humbi ndjenjat, mesfushori i Suedisë futet në terapi intensive

Mesfushori i Suedisë, Kristoffer Olsson, po përballet me luftën më të vështirë në jetë.

28-vjeçari, pjesë e Midtjylland në Danimarkë, humbi ndjenjat në shtëpi dhe është shtruar me urgjencë në spital, ndërsa është futur në terapi intensive.

Nuk ka një sqarim të saktë, por flitet për një sëmundje akute që lidhet me funksionin e trurit. Lojtari e ka të pamundur për të marrë frymë, pa ndihmën e një aparati.

Për këtë, ka dalë me një njoftim edhe Federata Suedeze e Futbollit. “Këtë mëngjes morëm lajmin e tmerrshëm se Kristoffer Olson është ndier keq papritur dhe gjendet në spital i lidhur me një aparat respirator. E gjithë familja e futbollit suedez mendon për ty dhe shpreson që ta marrësh veten shpejt. Mendimet tona shkojnë edhe për të dashurit e Kristoffer në këtë moment të vështirë.”, shkruhet në komunikatë.