Mbrojtësi Eric Garcia do të luajë ndeshjen e fundit tek Manchester City që është finalja Champions Leagues kundër Chelseat . Spanjolli ka konfirmuar se pas mbrëmjes së sotme do të fillojë një tjetër etapë në karrierë , pikërisht me Barcelonën . 20 vjeçari ka kaluar një pjesë të rëndësishme tek ekipet inferiore të katalanasve dhe tashmë do të kërkojë të bindë në skuadrën e parë . Ky lojtar do ti bashkohet Sergio Agueros , Memphis Depay dhe Georginio Wijnaldum dhe pa asnjë dyshim do ti shtojë entuziazmin ‘’ Blaugranëve ‘’ të cilët me siguri do të jenë një tjetër skuadër me fillimin e sezonit të ri . Këtij suksesi i bashkohet edhe pjesëmarrja në Europianin e kësaj vere ku Eric Garcia është i grumbulluar nga traineri i ‘’ La Furia Rojas ‘’ Luis Enrique që do të kërkojë fitimin e trofeut të tretë në historinë e Spanjës .
Por të qënit pjesë e një skuadre të tillë thekson një koefiçent të lartë vështirësie sepse do të ketë një konkurrencë të fortë në mbrojtje me lojtarë Oscar Mingueza , Samuel Umtiti , Gerard Pique , Clement Lenglet , dhe uruguajani Ronald Araujo pavarësisht se nuk përjashtohen largimet në merkaton e verës. Ekonomia e Barcelonës patjetër që do të ketë nevojë për një kohë të gjatë që të rigjenerohet plotësisht por këto transferime do ti bëjnë shumë punë kuq e bluve që kërkojnë të triumfojnë si në të kaluarën .
Me Pep Guardiolan Eric Garcia nuk pati fatin e duhur sepse siç dihet kërkesa ndaj lojtarëve është e përpiktë dhe nuk lë vend për gabime , fakt që lojtari nga Martorell nuk e ka përballuar me sukses dhe është detyruar të largohet nga Manchester City .
12 ndeshjet e këtij sezoni kanë rezultuar një dështim total për Eric Garcian por Barcelona ka besuar në aftësitë e tij duke e përfshirë në revolucionin e madh që po përgatitet nga drejtuesit e spanjollëve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
