Roma "peshkon" te Porto

   Faza e dytë e sezonit është determinante  për çdo skuadër . Merkatoja do të përcaktojë në njëfarë mënyre fatet e secilës prej tyre dhe kësaj historie nuk mund ti mungonte një ndër trainerët më të famshëm në glob.

Jose Mourinho  po mundohet të riadaptohet në Serinë A  pas më shumë se një dekade në Premier League dhe Primera Division .

’’ The Special One ‘’ është kthyer aty ku ka buzëqeshur më së shumti por nën drejtimin e ‘’ Verdhekuqëve ‘’ të cilët duan të thyejnë akullin dhe të shëndërrohen në protagonistë absolutë dhe ta zgjerojnë edhe më tej  .

58 vjeçari është kthyer  mbrapa në kohë , tek ish skuadra Porto , aty ku i ka vënë gishtin Sergio Oliveiras . 

Portugezi po bën mirë me ‘’ Dragonjtë ‘’ dhe kjo çështje ka avancuar me hapa galopantë , fakt  i konfirmuar nga portali vendas ‘  A Bola ‘ ku thuhet se ekziston një paraakord ndërmjet Romës dhe  Portos i cili përfshin formulën e huazimit deri në fundin e sezonit, e shoqëruar me opsionin e blerjes se kartonit të 29 vjeçarit që  kap 13.5 milionë eurot dhe që italianët duhet ta arrijnë përpara finalizimit të tij .

Qëllimi i Romës mund t’ia ndryshojë perspektivën e të ardhmes Sergio Oliveiras sepse është një ekip që mund të  shëndërrohet në risi në vijimësi dhe do të ishte një eksperiencë e mrekullueshme për mesfushorin .

 Megjithatë ndonjëherë gjërat nuk shkojnë sipas planifikimit dhe aktualiteti  tek  Porto është i trishtë sepse konsiderohet zgjedhja e dytë nga  Sergio Conceiçao , fakt që i jep përparësi largimit  nga ‘’  Do Dragao ‘’.  

Sakrificat e bëra janë drejt shpërblimit për këtë lojtar i cili ka privilegjin e mbrojtjes së ngjyrave të një prej skuadrave me më shumë histori në Portugali dhe ndërrimi i ambjentit po vlerësohet me seriozitet nga  Sergio Oliveira , i cili gjatë sezonit aktual numëron 24 ndeshje , 5 gola dhe 1 asist  .

Situata e luzitanit nuk është aq motivuese  dhe palët e përfshira janë praktikisht afër shtrëngimit të duarve  për transferimin e tij në ‘’ Olimpico ‘’.