Prej kohësh drejtuesit e Juventusit kanë nisur të përgatiten në lidhje me merkaton e dimrit, e cila konsiderohet jetike për vazhdimësinë. ‘’ Zonja e Vjetër ‘’ ka mbetur dukshëm në prapavijë , sidomos në tre sezonet e fundit, fakt që tregon se rivaliteti sa vjen edhe ashpërsohet në çdo kompeticion. Objektivat e torinezëve janë disa por një ndër emrat më të përfolur së fundmi është ai i Pierre- Emile Hojberg. Danezi vijon të tërheqë vëmëndjen e numrit një të stolit të bardhezinvje , në sajë të performancës së shkëlyqer me Tottenham Hotspurin, skuadër me të cilën është drejt përfundimit të kontratës. Indiciet theksojnë se mesfushori do të largohet nga ‘’ White Harte Lane ‘’ , por për shërbimet e tij , ish rekordmenëve të Scudettos do ti duhet të masin forcat me Atletico Madridin , rival i cili mund t’ia ndërlikojë arritjen e objektivit. Sipas lajmeve të fundit, drejtuesit e Juventusit janë gati të dërgojnë një ofertë në adresë të ‘’ Gjelave të Londrës ‘’ për 28 vjeçarin nga Kopenhageni, i cili po zhvillon sezonin e katërt me kryeqytetasit. Në aktualin, deri më tani , Pierre- Emile Hojberg numëron 6 sfida dhe me ecurinë e deritanishme e meriton interesin e klubeve me emër. Siç dihet objektivi i drejtuesve është rikthimi i Juventusit aty ku e meriton pasi kjo skuadër prej vitesh me rradhë ka bashkjetuar me suksesin, kryesisht në Itali.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
