Superkupa e Italisë, këtë vit do të zhvillohet në një format tjetër dhe do të mbahet në Arabinë Saudite, aty ku fillimisht luhen dy gjysmëfinale Napoli-Fiorentina dhe Inter-Lazio.
Sfida e parë do të luhet sot, ndërsa Inter sfidon nesër Lazion në orën 20:00. Në prag të kësaj sfide, për mediat foli trajneri i zikaltërve, Simone Inzaghi.
Ky i fundit deklaroi se Superkupa është objektivi i parë për këtë sezon dhe për këtë arsye duan ta fitojnë me çdo kusht.
Superkupa është objektivi i parë i sezonit dhe ne duam ta fitojmë atë për të tretin vit radhazi. Shakaja e Allegrit me policët dhe grabitësit? Dialektikë normale për botën e futbollit. Milani është gjithashtu në garë për titullin.
Superkupa është trofeu i parë i sezonit, duam ta fitojmë për të tretin vit radhazi. Por ka edhe ekipe të tjera me të njëjtën ambicie, ndaj do të përpiqemi të bëjmë më të mirën.
Rrugëtimi im te Lazio do të thotë që nuk do të jetë kurrë një ndeshje si të tjerat për mua. Është një skuadër që më bëri burrë, fillimisht si lojtar dhe më pas si trajner. Ndeshjet kundër Lazios nuk do të jenë kurrë të njëjta, normale për mua. Formula e Superkupës ka ndryshuar, është e re për të gjithë, duke filluar nga ne trajnerët. Do të duhet të mendojmë për ndeshjen e nesërme, e dimë që nuk do të ketë kohë shtesë dhe do të përgatitemi edhe për penallti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
