Manchester United është finalistja e parë e FA Cup, pasi fituan me rezultatin e ngushtë 2-1 ndaj Tottenham Hotspur.
Një takim i nisur mjaft keq nga të besuarit e Jose Mourinho që e panë vetën në disavantazh të një goli pas 11 minutash lojë. Ishte talenti anglez, Dele Alli që i shërbyer nga Eriksen e kishte të lehtë të mposhte De Gea.
Reagimi i "djajve" nuk vonoi shumë me Sanchez që vendosi baraspeshën pas 13 minutash. Pas një krosimi të Pogba, kiliani u tregua i saktë me kokë duke vendosur qetësinë në kampin e United.
Me pjesën e parë që u mbyllë në barazimin 1-1, në fraksionin e dytë, Herrera shfytëzoi një pasim të Lukaku për të mposhtur Lloris dhe për të kaluar në avantazh United. Një rezultat që mbeti i pandryshuar deri në fund, pavarësisht tentativave të "Gjelave" për të vendosur baraspeshën.
Në finalen e FA Cup, United do të presë fituesin e çiftit Chelsea-Southampton, takim ky që zhvillohet nesër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
