Pas një investimi prej 600 milionë eurosh në dy merkatot e kaluara dhe mospjesëmarrjes në kompeticionet europiane në sezonin e ardhshëm , ky rezultat është konsideruar një dështim total nga drejtuesit e Chelseat .
Megjithatë, merkatoja e verës do të shfrytëzohet për përforcimin e organikës, me qëllimin që ta harrojnë sa më shpejt këtë eksperiencë të hidhur.
Mosies Caicedo vijon të jetë pjesë e planeve të ‘’ Bluve të Londrës ‘’ të cilët u refuzuan nga drejtuesit e Brightonit në merkaton e dimrit.
Duke qenë se e ardhmja e Kantes dhe Kovacic ende vijon në dyshim , Todd Boehly do të synojë transferimin e ekuadorianit në ‘’ Stamford Bridge ‘’, i cili mund të shëndërrohet në më të shtrenjtin në historinë e anglezëve.
Pavarësisht se skuadra e Roberto de Zerbit ka arritur të kualifikohet në Europa League , drejtuesit e saj janë të ndërgjegjshëm se një ofertë e bujshme në adresë të ishi-t të Indipendiente del Valles mund të rezultojë e parefuzueshme , lojtar që është konsideruar ndër më të mirët e Premier Leagues në sezonin e lënë pas.
Mbetja jashtë Europës besohet se do ti shërbejë për refleksion kryeqytetasve për të bërë më mirë në vijimësi dhe gjithashtu të rikuperojnë sa më shpejt terrenin e humbur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
