Messi drejt Amerikës

 Në kohët e fundit është spekulluar shumë mbi të ardhmen e yllit të futbollit Lionel Messi i cili parashikohet se do ti japë lamtumirën Parisit në përfundimin e kontratës e cila do ta bëjë xhiron finale në 30 qershorin e 2023-shit.

‘’ La Pulga ‘’ po tundohet nga Major League Soccer , kampionat që në dhjetëvjeçarin e fundit ka fituar shumë rëndësi dhe është shëndërruar në kompetitiv për arsye të transferimeve të bujshme të lojtarëve që lanë shenjë në të kaluarën në kontinentin e vjetër.

 34 vjeçari po mendon një projekt ambicioz që lidhet me blerjen e një pjese të aksioneve të Inter Miamit , ekzaktësisht 35 % e tyre dhe gjithashtu të shijojë aventurën e fundit në këtë sport që i ka dhënë shumë gjatë karrierës, përveç Botërorit.

Sipas ‘ As ‘ , ylli i kombëtares ‘ Albiceleste ‘ me të cilën do të zhvillojë ndoshta Botërorin e fundit në Katar po e mendon këtë opsion i cili mund ti sigurojë një lloj relaksi për arsye se kampionati amerikan është tërësisht i ndryshëm me ato të Europës pavarësisht rritjes së dukshme .

Në këtë histori rruga e sulmuesit nga Rosario mund të bashkohet me atë të shokut të ngushtë dhe njëkohësisht ishi-t të Barcelonës Luis Suarez i cili impresionoi në çdo klub ku u aktivizua duke treguar gjithashtu vlerat e tij edhe tek Uruguaji , kombëtare me të cilën fitoi Kupën e Amerikës në 2011-tën .

 Një tjetër opsion që e ka menduar gjatë karrierës është tërheqja tek Newell’s Old Boys , klubi që i dha mundësinë për tu zbuluar nga Barcelona e më pas të shëndërrohej në një ndër lojtarët më të suksesshëm në historinë e futbollit.  

Endërra e drejtuesve të  ‘’ Les Pariziens ‘’ e cila lidhet me fitimin e Champions Leagues mbetet ende larg por shanset janë reale sepse francezët kanë formuar një ekip që tremb çdo kundërshtar dhe duke njohur mentalitetin e Lionel Messit , çdo gjë bëhet edhe më e mundshme  sepse në ‘’ Parque de Prince ‘’ është i rrethuar nga yje që synojnë fitimin e trofeut më të rëndësishëm për klube.