Lëvizje surprizë nga Brdaric, do të drejtojë ekipin në kategorinë e katërt në Gjermani

Thomas Brdaric do të rikthehet në pankinën e një skuadre dhe i ka surprizuar të gjithë me zgjedhjen e tij.

47-vjeçari pritet të zyrtarizohet në stolin e një skuadre që militon në kategorinë e katërt në Gjermani.

Sipas “RP”, Brdaric ka arritur marrëveshjen për të marrë drejtimin e Straelen, që militon në Ligën Rajonale Perëndimore, në kategorinë e katërt në futbollin gjerman. Në raportimin e medias gjermane, thuhet se presidenti i klubit ka zgjedhur trajnerin Brdaric dhe objektivi i Straelen, është që të renditet në pjesën e sipërme të tabelës në kampionat.

Një lëvizje surprizë kjo e Brdaric, duke ditur se në Shqipëri me Vllazninë arriti suksese, siç ishte fitimi i Kupës së Shqipërisë, vendi i dytë në kampionat sezonin e kaluar dhe kalimi i tureve në Europë.